<div id="MiddleColumn_internal"> <p style="text-align: justify; ">जन्म : ४ मे १८०६</p> <p style="text-align: justify; ">मृत्यू : २५ जून १८७९</p> <p style="text-align: justify; ">इंग्लिश भौतिकीविज्ञ. विद्युत् तारायंत्राच्या विकासात महत्त्वाचे कार्य. त्यांचा जन्म एलिंग, मिडलसेक्स येथे झाला व शिक्षण डरहॅम व एडिंबरो येथील विद्यापीठांत झाले. भारतामध्ये १८२६–३१ मध्ये सैन्यात नोकरी केल्यानंतर त्यांनी पॅरिस व हायड्लबर्ग येथे वैद्यकीय शिक्षण घेतले.</p> <p style="text-align: justify; ">हायड्लबर्ग येथे असताना त्यांनी तारेच्या साहाय्याने संदेशवहन करण्याचे प्रात्यक्षिक पाहिले व त्यामुळे विद्युत् तारायंत्र तयार करण्याकडे त्यांचे लक्ष वेधले. व्हीट्स्टन यांच्या मदतीने त्यांनी रेल्वे संदेशवहनात बऱ्याच सुधारणा घडवून आणल्या. १८४५ मध्ये त्या दोघांना एकसूची तारायंत्राचे पेटंट संयुक्तपणे देण्यात आले.</p> <p style="text-align: justify; ">सोसायटी ऑफ आर्ट्सतर्फे कुक व व्हीट्स्टन यांना एकत्रितपणे अॅल्बर्ट सुवर्णपदक देण्यात आले. १८६९ साली कुक यांना ‘नाईट’ हा किताब मिळाला. ते सरेमध्ये मृत्यू पावले.</p> <p style="text-align: justify; ">लेखक : व.ग.भदे</p> <p style="text-align: justify; ">स्त्रोत : <a class="ext-link-icon" href="https://marathivishwakosh.maharashtra.gov.in/khandas/khand4/index.php/khand4-suchi?id=6613" target="_blank" title="https://marathivishwakosh.maharashtra.gov.in/khandas/khand4/index.php/khand4-suchi?id=6613">मराठी विश्वकोश</a></p> </div>