<div id="Middle Column_internal"> <h3 style="text-align: justify; ">ଉପକ୍ରମ</h3> <p style="text-align: justify; "><img class="image-right" src="https://static.vikaspedia.in/media_vikaspedia/or/images/education/b15b4db5fb3eb30b3fb5fb30-b2eb3eb30b4db17b26b30b4db36b15/NewPicture2.png" />ପଦାର୍ଥ ବିଜ୍ଞାନ ଓ ଗଣିତରେ ଭଲ ହେଉଥିବା ପାଣିପାଗ ବିଜ୍ଞାନରେ ଭଲ ପାରଦର୍ଶୀ ହୋଇପାରିବେ । ପାଣିପାଗ ବିଜ୍ଞାନରେ ଭଲ ପାରଦର୍ଶୀ ହୋଇପାରିବେ । ପାଣିପାଗ ବିଜ୍ଞାନରେ ମାଷ୍ଟର ଡିଗ୍ରୀ କରିବାକୁ ଚାହୁଁଥିଲେ ପାଣିପାଗ ବିଜ୍ଞାନ କିମ୍ବା ବାୟୁ ମଣ୍ଡଳ ବିଜ୍ଞାନରେ ସ୍ନାତକ ପାସ୍ କରିଥିବା ଆବଶ୍ୟକ, ନଚେତ୍ ପଦାର୍ଥ ବିଜ୍ଞାନ କିମ୍ବା ଗଣିତ ସମ୍ମାନ ରଖି ପଢିଥିବେ ।</p> <p style="text-align: justify; ">ନିରୀକ୍ଷଣ କରିବା, ବିଶ୍ଳେଷଣ କରିବା, ଯୋଗାଯୋଗ କରିବାର ଦକ୍ଷତା, ତତକାଳ ସମସ୍ୟା ସମାଧାନ କରିବା ଏବଂ ସମସ୍ତ ନିୟମ ଅନୁଯାୟୀ ପଦକ୍ଷେପ ନେବା ଆଦି କ୍ଷମତା ରଖିଥିବା ଛାତ୍ରଛାତ୍ରୀ ହିଁ ଜଣେ ସଫଳ ପାଣିପାଗ ବିଜ୍ଞାନୀ ହୋଇପାରିବେ ।</p> <h3 style="text-align: justify; ">ନିଯୁକ୍ତି ସୁଯୋଗ</h3> <p style="text-align: justify; ">ଯେଉଁମାନେ ଏଥିରେ ମାଷ୍ଟର ଡିଗ୍ରୀ କରିବା ସହ ଡକ୍ଟରେଟ୍ କରିଥିବେ ସେମାନେ ଭାରତୀୟ ପାଣିପାଗ ବିଭାଗରେ ନିଯୁକ୍ତି ପାଇପାରିବେ । ଏହାଛଡା ସେମାନେ ନେସନାଲ ସେଣ୍ଟର ଫର ମିଡିୟମ୍ ରେଞ୍ଜ ୱେଦର ଫୋରକାଷ୍ଟିଂ, ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟ୍ରୋପିକାଲ ମେଟେରିଓଲୋଜୀ ଆଦି ସଂସ୍ଥାର ୟୁନିୟନ ପବ୍ଲିକ ସର୍ଭିସ କମିଶନ ମାଧ୍ୟମରେ ଉଚ୍ଚ ପଦରେ ନିଯୁକ୍ତି ପାଇପାରିବେ । ଏତଦ୍ଭିନ୍ନ ଇଣ୍ଡିଆନ୍ ଆସୋସିଏସନ୍ ଫର୍ କଲଟିଭେସନ ସାଇନ୍ସ, ଆମେରିକାରେ ଥିବା ନୋଆ ୱେଦର ରେଡିଓ, ଅନେକ ସରକାରୀ ଓ ବେସରକାରୀ ସଂସ୍ଥା ମଧ୍ୟ ପାଣିପାଗ ବିଜ୍ଞାନୀମାନଙ୍କୁ ନିଯୁକ୍ତି ଦେଇଛନ୍ତି । ଯଥା- ୱେଦର ବ୍ରୋଡ୍କାଷ୍ଟିଂ ଷ୍ଟେସନ, ସୈନ୍ୟ ବିଭାଗ, ସାଟେଲାଇଟ୍ ସ୍ପେସ୍ ରିସର୍ଚ୍ଚ ସେଣ୍ଟର, ଇଣ୍ଡିଆନ୍ ସ୍ପେସ୍ ଆପ୍ଲିକେସନ ସେଣ୍ଟର ଆଦିରେ ବଡ ପଦପଦବୀରେ ନିଯୁକ୍ତି ମିଳିପାରିବ ।</p> <h3 style="text-align: justify; ">ପାଠ୍ୟକ୍ରମ ସୁବିଧା</h3> <p style="text-align: justify; ">ଆମ ରାଜ୍ୟରେ ଓଡ଼ିଶା ୟୁନିଭର୍ସିଟି ଅଫ୍ ଏଗ୍ରିକଲଚର ଆଣ୍ଡ ଟେକ୍ନୋଲୋଜିର ଏଗ୍ରିକଲଚର ମେଟେରୋଲୋଜିରେ ମାଷ୍ଟର ଡିଗ୍ରୀ ପାଠ୍ୟକ୍ରମ ଯୋଗାଇ ଦିଆଯାଉଛି । ସେହିପରି ବ୍ରହ୍ମପୁର ବିଶ୍ଵବିଦ୍ୟାଳୟରେ ଓସେନୋଗ୍ରାଫି ପାଠ୍ୟକ୍ରମ ଯୋଗାଇ ଦିଆଯାଉଛି ।</p> <p style="text-align: justify; "><strong>ଆଧାର – </strong>ଦୈନିକ ପ୍ରମେୟ</p> </div>