<div id="MiddleColumn_internal"> <p style="text-align: justify;">செல்லுலர் மற்றும் மாலிகியூலர் பயாலஜி மையம் பற்றிய தகவல்கள் இங்கு கொடுக்கப்பட்டுள்ளன.</p> <h3 style="text-align: justify;">அறிமுகம்</h3> <p style="text-align: justify;">கடந்த 1977 , ஏப்ரல் 1 ஆம் தேதி பாதி-சுயாட்சி நிறுவனமாக, அப்போதைய ஆராய்ச்சி ஆய்வகத்தின் (இன்றைய இந்திய வேதியியல் தொழில்நுட்ப கழகம்) பயோகெமிஸ்ட்ரி பிரிவை கொண்டு ஐதராபாத்தில் தொடங்கப்பட்டது. 1981-82 ஆம் ஆண்டுகளில் இது முழுஅளவிலான தேசிய ஆராய்ச்சி ஆய்வகமாக அங்கீகரிக்கப்பட்டது.</p> <h3>நோக்கம்</h3> <ul> <li style="text-align: justify;">நவீன உயிரியல் துறையில் பலவித ஆராய்ச்சிகளை மேற்கொண்டு, அந்த துறையில் புதிய ஆய்வுகளை வரவேற்பது.</li> <li style="text-align: justify;">உயிரியலின் பல்வேறு துறைகளில் புதிய மற்றும் நவீன நுட்பங்களுக்கு மையப்படுத்தப்பட்ட வசதிகளை வழங்குதல், அந்த வசதிகள் முறைப்படுத்தப்பட்டதா என்பதை உறுதி செய்தல், அந்த வசதிகள் ஆய்வாளர்களால் முழுஅளவில் பயன்படுத்தப்படுகிறதா என்பதை கண்காணித்தல்.</li> <li style="text-align: justify;">உயிரியலின் நவீன துறைகளில் ஆய்வுகளை மேம்படுத்த, மற்ற கல்வி நிறுவனங்களிலுள்ள ஊழியர்களுக்கு பயிற்சி அளித்தல்.</li> </ul> <h3>இந்நிறுவனத்தின் சிறப்புகள்</h3> <ul> <li style="text-align: justify;">UNESCO -வின் மாலிகியூலர் மற்றும் செல் பயாலஜி -இன் உலகளாவிய துறையால், ஒரு "அறிவுத்திறன் மையமாக" CCMB தேர்ந்தெடுக்கப்பட்டுள்ளது.</li> <li style="text-align: justify;">மேலும் மூன்றாம் உலக அறிவியல் அகடமி விருதை பெற்றதோடல்லாமல், ஆராய்ச்சி & பயிற்சியில் நுண்ணறிவுக்கான தெற்கு மையம் என்ற பெயரையும் பெற்றுள்ளது.</li> <li style="text-align: justify;">DNA பிங்கர்பிரிண்ட் -இல் மேற்கொண்ட ஆய்வுக்காக, உயிரியல் அறிவியலில், CSIR தொழில்நுட்ப விருதை பெற்றது.</li> <li style="text-align: justify;">அறிவியல் & தொழில்நுட்ப துறையில் சிறப்பாக செயல்பட்டதற்காக, இந்திய சேம்பர்ஸ் ஆப் காமர்ஸ் மற்றும் தொழில்துறை(FICCI) விருதை பெற்றது.</li> </ul> <h3>ஆராய்ச்சி</h3> <p style="text-align: justify;">இந்த நிறுவனம் மூன்று விதமான பெரிய ஆராய்சிகளில் ஈடுபடுகிறது.</p> <ol> <li>நவீன உயிரியலின் முக்கிய பகுதிகளில் உயர்தர அடிப்படை ஆய்வு</li> <li>சமூக தேவைகளின் அடிப்படையிலான ஆராய்ச்சி</li> <li>பயோடெக்னாலஜி மற்றும் பயோமெடிசின், ஜெனடிக்ஸ் மற்றும் பரிணாமங்கள், செல்உயிரியல் மற்றும் மேம்பாடு, மாலிகியூலர்உயிரியல், பயோகெமிஸ்ட்ரி மற்றும் பயோபிசிக்ஸ், ஜெனோமிக்ஸ் மற்றும் பயோஇன்பர்மேடிக்ஸ் போன்ற துறைகளில் தேவை சம்பந்தமான ஆராய்ச்சி.</li> </ol> <h3>சேவைகள்</h3> <ul> <li style="text-align: justify;">மாலிகியூலர் டயக்னோசிஸ்</li> <li style="text-align: justify;">குரோமோசோமல் டயக்னோசிஸ்</li> <li style="text-align: justify;">ஜெனடிக் கவுன்சலிங்</li> <li style="text-align: justify;">DNA பிங்கர்பிரிண்டிங்</li> </ul> <p style="text-align: justify;">போன்ற துறைகளில் இந்நிறுவனம் சேவை புரிகிறது.</p> <h3>CCMB வழங்கும் படிப்புகள்</h3> <p style="text-align: justify;">பி.எச்டி மாணவர்களுக்கு, டெல்லி ஜவஹர்லால் நேரு பல்கலைக்கழகத்துடன் இணைந்து பயிற்சியளிக்கிறது. மேலும் பி.எச்டி முடித்த மாணவர்களுக்கும், CSIR, பயோடெக்னாலஜி துறை மற்றும் டெல்லியிலுள்ள அறிவியல் மற்றும் தொழில்நுட்ப துறை ஆகியவற்றின் உதவியுடன் பயிற்சியளிக்கிறது.</p> <p style="text-align: justify;">இவைதவிர,</p> <ol> <li style="text-align: justify;">பயோடெக்னாலஜி மற்றும் பயோமெடிசின்</li> <li style="text-align: justify;">ஜெனடிக்ஸ் மற்றும் பரிணாமம்</li> <li style="text-align: justify;">செல் பயாலஜி மற்றும் மேம்பாடு</li> <li style="text-align: justify;">மாலிகியூலர் பயாலஜி</li> <li style="text-align: justify;">பயோகெமிஸ்ட்ரி மற்றும் பயோபிசிக்ஸ்</li> <li style="text-align: justify;">தோற்று நோய்கள்</li> <li style="text-align: justify;">பயோஇன்பர்மேடிக்ஸ் மற்றும் தியோரேடிகல்பயாலஜி</li> </ol> <p style="text-align: justify;">போன்றவை உள்ளிட்ட பல தலைப்புகளில் பி.எச்டி ஆராய்ச்சிக்கான ஊக்கமும் பயிற்சியும் வழங்கப்படுகின்றன.</p> <p style="text-align: justify;">பி.எச்டி மற்றும் அதை முடித்த மாணவர்களுக்கான பயிற்சிகள் மட்டுமல்லாது, தொடர்ச்சியான வொர்க்ஷாப்கள், ஒவ்வொரு வருடமும் பிப்ரவரி கடைசி வாரத்தில், 2 - வார சர்வதேச பயிற்சி முகாம் மற்றும் ஒவ்வொரு வருடமும் பலவித தொழில்நுட்ப விழிப்புணர்வு முகாம்கள் போன்றவையும் CCMB -ஆல் நடத்தப்படுகின்றன.</p> <p style="text-align: justify;">CCMB -இல் மாணவர்களுக்கான வசதிகள் மற்றும் வளங்கள்:</p> <ul> <li style="text-align: justify;">உயர்நிலை தரத்தில் மேம்படுத்தப்பட்ட ஆய்வகங்கள்</li> <li style="text-align: justify;">அற்புதமான கணினி வசதி</li> <li style="text-align: justify;">பலவிதமான புத்தகங்கள், கிராமப்புற மேம்பாடு சம்பந்தமான ஆலோசனைகள் மற்றும் செய்திகளை உள்ளடக்கிய ஜர்னல்கள் மற்றும் பத்திரிக்கைகள் போன்றவைகளைக் கொண்ட பிரமாண்டமான நூலகம்.</li> <li style="text-align: justify;">சௌகரியமான தங்குமிட வசதி</li> <li style="text-align: justify;">உலகத்தரம் வாய்ந்த அரங்க வசதிகள்</li> <li style="text-align: justify;">பலவகை உணவுகளைக் கொண்ட தரமான உணவு விடுதிகள்</li> <li style="text-align: justify;">பொழுதுபோக்கு வசதிகள்</li> </ul> <p style="text-align: justify;">மேலும் CCMB, இறுதிவருட M.sc /M.Tech. /M. Pharm /B.E.(Biotechnology) / B.Tech. (Biotechnology) மாணவர்களுக்கு ப்ராஜெக்ட் பயிற்சிகளை வழங்குகிறது.</p> <p style="text-align: justify;">இவைத்தவிர JRF எனப்படும் Junior Reasearch Fellowship ஆய்வு வசதியும் இங்கு வழங்கப்படுகிறது.</p> <p style="text-align: justify;"><strong>CCMB நிறுவனத்தின் முழு முகவரி</strong></p> <p style="text-align: justify;">Centre for Cellular & Molecular Biology</p> <p style="text-align: justify;">Habsiguda, Uppal Road</p> <p style="text-align: justify;"><span style="text-align: justify;">ஐதராபாத்</span> - 500 007</p> <p style="text-align: justify;">தெலங்கானா, இந்தியா</p> <p style="text-align: justify;">தொலைப்பேசி: +91 40 27160222-31, 27160232-41</p> <p style="text-align: justify;">Fax: +91 40 27160591, 27160311</p> </div>