<div id="MiddleColumn_internal"> <p style="text-align: justify; ">भारत सरकारच्या रसायने व खते मंत्रालयांतर्गत असलेल्या सेंट्रल इन्स्टिट्युट ऑफ प्लास्टिक इंजिनिअरींग अॅण्ड टेक्नॉलॉजी (सिपेट) आणि महाराष्ट्र शासनाच्या महाराष्ट्र राज्य कौशल्य विकास संस्थेच्या संयुक्त विद्यमाने महाराष्ट्र राज्यातील युवक, युवतींकरिता प्रमोद महाजन कौशल्य व उद्योजकता विकास अभियान राबविण्यात येत आहे. या अभियानांतर्गत उमेदवारांना मोफत कौशल्य व उद्योजकता विकास प्रशिक्षण देण्यात येईल.</p> <p style="text-align: justify; ">इंजेक्शन मोल्डिंग मशिन ऑपरेशन हा अभ्यासक्रम सात महिने कालवधीचा आहे. सीएनसी लेथ प्रोग्रामिंग फॉर प्लास्टिक इंडस्ट्रियल (सीएनसी-एल) व सीएनसी मीलिंग प्रोग्रामिंग ॲण्ड ऑपरेशन फॉर प्लास्टिक इंडस्ट्रियल (सीएनसी-एम) हे दोन्ही अभ्यासक्रम सहा महिने कालावधीचे आहेत.</p> <p style="text-align: justify; ">या अभ्यासक्रमासाठी शैक्षणिक पात्रता किमान 8 वी पास आहे. तर वयोमर्यादा 18 ते 28 इतकी आहे. या अभ्यासक्रमाकरिता प्रथम येणाऱ्यांना प्रथम प्राधान्य या तत्वावर कागदपत्रांच्या छाननीनंतर प्रवेश देण्यात येईल. उमेदवार चालू वर्षात कुठल्याही संस्थेचा विद्यार्थी नसावा.</p> <p style="text-align: justify; ">हे प्रशिक्षण पूर्णवेळ कालावधीचे असून अनिवासी आहे. प्रशिक्षणार्थीना स्वत: राहण्याची व जेवणाची व्यवस्था करावी लागेल. अर्ज वाटप 6 ऑक्टोबर ते 23 ऑक्टोबर या दरम्यान होईल तर प्रशिक्षण सुरु होण्याची तारीख 25 ऑक्टोबर 2017 अशी आहे.</p> <p style="text-align: justify; ">अधिक माहितीसाठी उमेदवारांनी www.cipet.gov.in या संकेतस्थळास भेट द्यावी.</p> <p style="text-align: justify; ">अर्ज मिळण्याचे व नोंदणीचे ठिकाण : सेंट्रल इन्स्टिट्युट ऑफ प्लास्टिक इंजिनिअरींग अॅण्ड टेक्नोलॉजी (सीपेट),प्लॉट नं.जे 3/2, एमआयडीसी, औद्योगिक वसाहत, चिकलठाणा, औरंगाबाद-431 006 किंवा श्री.प्रवीण बी.बच्छाव किंवा श्री.निलेश पिंपळे, फोन नं. 0240-2478316/317 मो.9325687905,9325688710 या क्रमांकावर संपर्क साधावा. अर्जाचा नमुना संकेतस्थळावर उपलब्ध आहे.</p> <p style="text-align: justify; ">लेखक - देवेंद्र भुजबळ,</p> <p style="text-align: justify; ">संचालक माहिती औरंगाबाद</p> <p style="text-align: justify; ">माहिती स्रोत: <a class="external_link ext-link-icon" href="https://www.mahanews.gov.in/Home/HomeDetails.aspx?str=Kcl6gBYjPeU=" target="_blank" title="आठवी पास..तरीही संधी तंत्रप्रशिक्षणाच्या !">महान्यूज</a></p> <p style="text-align: justify; "> </p> </div>