<div id="MiddleColumn_internal"> <h3><span>ഉപരിപഠനം അമേരിക്കയില്</span></h3> <p style="text-align: justify; "><strong>പൊതുവിവരങ്ങള്</strong></p> <p style="text-align: justify; ">സ്കൂള്, കോളേജ് തലങ്ങളിലെ അക്കാദമിക് മികവിന്റെ അടിസ്ഥാനത്തിലാണ് അമേരിക്കന് സര്വകലാശാലകളില് പ്രവേശനത്തിനുള്ള അപേക്ഷകള് പരിഗണിക്കുന്നത്. ഉയര്ന്ന വിദ്യാഭ്യാസ നിലവാരം നിര്ബന്ധമാണ്.</p> <p style="text-align: justify; ">സെപ്തംബര് മുതല് ജൂണ്വരെ നീളുന്ന ഒന്പത് മാസമാണ് മിക്ക അമേരിക്കന് യൂണിവേഴ്സിറ്റികളുടെയും വിദ്യാഭ്യാസ വര്ഷം. കോഴ്സുകള് എല്ലാംതന്നെ ഓരോ സെമസ്റ്റര് ദൈര്ഘ്യമുള്ളതാണ്. 18 ആഴ്ചകള്, അതായത് പകുതി വിദ്യാഭ്യാസ വര്ഷമാണ് ഒരു സെമസ്റ്ററിന്റെ ദൈര്ഘ്യം.</p> <p style="text-align: justify; ">ഭൂരിഭാഗം അന്താരാഷ്ട്ര വിദ്യാര്ത്ഥികളും നാലു വര്ഷം ദൈര്ഘ്യമുള്ള പ്രോഗ്രാമുകളിലേക്കാണ് അപേക്ഷിക്കുക. പക്ഷേ പലരും കമ്മ്യൂണിറ്റി കോളേജുകള് എന്നു വിളിക്കുന്ന ജൂനിയര് കോളേജുകളില് ചേര്ന്ന് രണ്ട് വര്ഷ പ്രോഗ്രാമുകള് പൂര്ത്തിയാക്കുകയാണ് ആദ്യം ചെയ്യുന്നത്. അതിനുശേഷം നാല് വര്ഷ കോളേജിലോ യൂണിവേഴ്സിറ്റിയിലോ ചേര്ന്നാണ് ശേഷിച്ച വര്ഷങ്ങള് പൂര്ത്തിയാക്കും. ആയിരത്തോളം വരുന്ന ജൂനിയര് കോളേജുകളില് യൂണിവേഴ്സിറ്റികളേയും നാല് വര്ഷ കോളേജുകളേയും അപേക്ഷിച്ച് ഏറെക്കുറെ അയഞ്ഞ പ്രവേശന നിബന്ധനകളാണുള്ളത്. താരതമ്യേന കുറഞ്ഞ ഫീസും ചെലവുമേ ഇതിനാവുകയുള്ളൂ. എന്നാലിവിടെ ക്യാമ്പസ്സിനുള്ളില് താമസ സൗകര്യം ലഭ്യമല്ല. ജൂനിയര് കോളേജുകളില് നിന്നും നാലു വര്ഷ കോളേജിലേക്കോ യൂണിവേഴ്സിറ്റി കോളേജുകളിലേക്കോ മാറാവുന്നതാണ്.</p> <p style="text-align: justify; "><strong>മേജര്, മൈനര്</strong></p> <p style="text-align: justify; ">തിരഞ്ഞെടുക്കുന്ന വിഷയങ്ങളെ സംബന്ധിക്കുന്നതാണിത്. ഒരു വിദ്യാര്ത്ഥി സ്പെഷലൈസേഷനുവേണ്ടി തിരഞ്ഞെടുക്കുന്ന വിഷയമാണ് മേജര്. ഉപവിഷയമായി തിരഞ്ഞെടുക്കുന്നത് മൈനറും.</p> <p style="text-align: justify; "><strong>ക്രെഡിറ്റ്/ സെമസ്റ്റര് മണിക്കൂറുകള്</strong></p> <p style="text-align: justify; ">ക്രെഡിറ്റ്/ സെമസ്റ്റര് സമ്പ്രദായത്തിന്റെ അടിസ്ഥാനത്തിലാണ് വിദ്യാര്ത്ഥി ബിരുദം നേടാനാവശ്യമായ വിദ്യാഭ്യാസ നിലവാരം നേടിയോ എന്നു പരിശോധിക്കുന്നത്. 132 മുതല് 140 ക്രെഡിറ്റ്/ സെമസ്റ്റര് മണിക്കൂറുകളാണ് ബാച്ചിലര് ബിരുദത്തിനു വേണ്ടത്.</p> <p style="text-align: justify; ">യൂണിവേഴ്സിറ്റി ഡിഗ്രി കരസ്ഥമാക്കിയതിനുശേഷം അമേരിക്കയില് ഗ്രാജ്വേഷന് പഠനത്തിനായി അപേക്ഷിക്കാവുന്നതാണ്. നിബന്ധനകള് ഏറെക്കുറെ എല്ലാ യൂണിവേഴ്സിറ്റികളിലും തുല്യമാണ്. അപേക്ഷിക്കാനുള്ള തീയതികള് യൂണിവേഴ്സിറ്റികള് തമ്മില് വ്യത്യാസപ്പെട്ടിരിക്കുന്നു.</p> <p style="text-align: justify; "><strong>വിദേശ വിദ്യാര്ത്ഥിയ്ക്ക് വേണ്ട യോഗ്യതകള്</strong></p> <p style="text-align: justify; ">അംഗീകൃത യൂണിവേഴ്സിറ്റിയില്നിന്നോ കോളേജില് നിന്നോ നേടിയ നാലുവര്ഷം നീണ്ട ബാച്ചിലര് ബിരുദം.</p> <p style="text-align: justify; ">വിജയിക്കുമെന്നുറപ്പുള്ള വിദ്യാഭ്യാസ നിലവാരം.</p> <p style="text-align: justify; ">ഇംഗ്ലീഷ് ഭാഷാ പരിജ്ഞാനം വെളിവാക്കുന്ന തെളിവുകള്.</p> <p style="text-align: justify; ">ചേരുന്ന കോഴ്സ് പൂര്ത്തിയാക്കാന് കഴിയുമെന്നുള്ളതിനുള്ള തെളിവ്.</p> <p style="text-align: justify; ">എല്ലാ അക്കാദമിക് സെമസ്റ്ററിലും എല്ലാ വിദ്യാര്ത്ഥികളും 12 മണിക്കൂര് സെമസ്റ്റര് ക്രെഡിറ്റ് പൂര്ത്തിയാക്കണം. ഗണിതവും പ്രകൃതി ശാസ്ത്രവും മേജര് വിഷയങ്ങളായി തിരഞ്ഞെടുത്തവര് ചുരുങ്ങിയത് ഒരു സെമസ്റ്റര് ക്രെഡിറ്റ് പൂര്ത്തിയാക്കേണ്ടതാണ്.</p> <p style="text-align: justify; ">അന്താരാഷ്ട്ര വിദ്യാര്ത്ഥികളുടെ അപേക്ഷകള്, കോളേജുകളുടെയും ഡിപ്പാര്ട്ടുമെന്റുകളുടേയും അന്താരാഷ്ട്ര വിദ്യാര്ത്ഥി വിഭാഗവും അതിന്റെ ഓഫീസും ചേര്ന്നാണ് തുടര് നടപടികള്ക്കായി പരിഗണിക്കുന്നത്. ചേരാന് തീരുമാനിച്ച സെമസ്റ്ററില് അതിനു കഴിഞ്ഞില്ലെങ്കില്, തുടര്ന്നുവരുന്ന സെമസ്റ്ററുകളിലേക്കായി പരിഗണിക്കണമെന്ന് ആവശ്യപ്പെടുന്ന കത്ത് സമര്പ്പിക്കണം. അതോടൊപ്പം അപേക്ഷകളും ഫീസും വീണ്ടും സമര്പ്പിക്കേണ്ടതായി വരും. ഏകദേശം ഒരു വര്ഷംവരെ അപേക്ഷ സംബന്ധിച്ച തീരുമാനങ്ങള് കൈക്കൊള്ളുന്നതിന് ആവശ്യമായി വരും.</p> <p style="text-align: justify; "><strong>അപേക്ഷാ ഫീസ്</strong></p> <p style="text-align: justify; ">15 മുതല് 25 ഡോളര് വരെയാണ് ചില യൂണിവേഴ്സിറ്റികള് അപേക്ഷാഫീസായി ഈടാക്കുന്നത്. റിസര്വ് ബാങ്ക് ഇതിനായി ഡോളര് ഡ്രാഫ്റ്റ് വിതരണം ചെയ്യാറുണ്ട്. ഏതെങ്കിലും ദേശസാല്കൃത ബാങ്കുകളെ ഇതിനുവേണ്ടി സമീപിക്കേണ്ടതാണ്. പ്രവേശനം ലഭിക്കാന് ഏറ്റവും സാധ്യതയുള്ള യൂണിവേഴ്സിറ്റികളില് മാത്രമേ പ്രവേശന ഫീസ് കൊടുക്കാവൂ.</p> <p style="text-align: justify; "><strong>അമേരിക്കന് യൂണിവേഴ്സിറ്റികളുടെ വിലാസം</strong></p> <p style="text-align: justify; ">യു.എസ്.ഇ.എഫ്.ഐയിലെ സ്റ്റുഡന്റ് അഡ്വൈസര്ക്ക് അപേക്ഷകന്റെ താഴെപ്പറയുന്ന യോഗ്യതകള് ബോധ്യപ്പെട്ടാല് അമേരിക്കന് യൂണിവേഴ്സിറ്റികളുടെ വിലാസങ്ങള് അടങ്ങിയ ഒരു ലിസ്റ്റ് നല്കുന്നതാണ്.</p> <p style="text-align: justify; ">1. അപേക്ഷകന്റെ വിദ്യാഭ്യാസ യോഗ്യതകള് യൂണിവേഴ്സിറ്റി നിഷ്കര്ഷിച്ച യോഗ്യതകളുമായി പൊരുത്തപ്പെടുന്നു.</p> <p style="text-align: justify; ">2. പ്രവേശനം നേടാനാഗ്രഹിക്കുന്ന വിഷയം വ്യക്തമാക്കിയിരിക്കണം.</p> <p style="text-align: justify; ">3. പഠിക്കുവാന് ആഗ്രഹിക്കുന്ന കോഴ്സുകള്ക്ക് ചേരാന് ആവശ്യമായ യോഗ്യത. ബന്ധപ്പെട്ട വിഷയങ്ങളില് വേണ്ട പശ്ചാത്തല വിവരവും താല്പര്യവും.</p> <p style="text-align: justify; "><strong>വിദ്യാര്ത്ഥി വിസക്കുളള അപേക്ഷ</strong></p> <p style="text-align: justify; ">താഴെപ്പറയുന്ന രേഖകള് നിര്ബന്ധമായും വിസക്ക് അപേക്ഷിക്കുമ്പോള് കോണ്സുലര് ഓഫീസില് എത്തിച്ചിരിക്കണം.</p> <p style="text-align: justify; ">1. 1-120 അല്ലെങ്കില് ഐ.എ.പി.-66 ചേരാനുദ്ദേശിക്കുന്ന യൂണിവേഴ്സിറ്റിയില് നിന്നും നേരിട്ടു ലഭിക്കുന്നതാണ്.</p> <p style="text-align: justify; ">2. പാസ്പോര്ട്ട്.</p> <p style="text-align: justify; ">3. സാമ്പത്തിക നിലയെപ്പറ്റിയുള്ള തെളിവുകള്.</p> <p style="text-align: justify; ">4. ഒരു പാസ്പോര്ട്ട് സൈസ് ഫോട്ടോ.</p> <p style="text-align: justify; ">5. ഇംഗ്ലീഷ് ഭാഷാ പരിജ്ഞാനം തെളിയിക്കുന്ന രേഖ (ചില ഇടങ്ങളിലേക്ക് മാത്രം).</p> <p style="text-align: justify; ">6. വിസാ യോഗ്യതാപരീക്ഷ (വി.ക്യൂ.ഇ.) ക്ലിനിക്കല് ജോലിക്കായി പോകുന്ന വൈദ്യശാസ്ത്ര വിദ്യാര്ത്ഥികള്ക്ക് വേണ്ടിയുള്ളതാണ്. ഇത് ഇന്ത്യയില് വച്ചല്ല നടത്തുന്നത്. യു.എസ്.ഇ.എഫ്.ഐ. ഓഫീസില് നിന്നും ഇതിന്റെ വിശദാംശങ്ങള് ലഭിക്കും.</p> <p style="text-align: justify; ">അല്ലെങ്കില് ഈ വിലാസത്തിലെഴുതണം.</p> <p style="text-align: justify; ">3624 മാര്ക്കറ്റ് സ്ട്രീറ്റ്</p> <p style="text-align: justify; ">ഫിലാഡെല്ഫിയ, 19104,</p> <p style="text-align: justify; ">യു.എസ്.എ.</p> <p style="text-align: justify; ">എല്ലാ കടമ്പകളും കടക്കുകയാണെങ്കില് അന്നുതന്നെ വിസ ലഭിക്കുന്നതാണ്. അപൂര്ണ്ണമായ അവകാശങ്ങള് തെളിയിക്കാന് കഴിയാത്തതുമായ രേഖകള് വിസ ലഭിക്കാന് താമസം വരുത്തും. ഒരുപക്ഷേ വിസ നിഷേധിക്കാന് തന്നെ കാരണമാവും.</p> <p style="text-align: justify; "><strong>പ്രവേശനത്തിനുള്ള നടപടി ക്രമങ്ങള്</strong></p> <p style="text-align: justify; ">നേരിട്ടുള്ള കത്തിടപാടുകളിലൂടെ അമേരിക്കന് യൂണിവേഴ്സിറ്റികളിലേക്കുള്ള പ്രവേശനം നേടാവുന്നതാണ്. താല്പര്യമുള്ള യൂണിവേഴ്സിറ്റികളുടെ പ്രവേശനവിഭാഗം തലവന്മാര്ക്കാണ് എഴുതേണ്ടത്. വിദ്യാഭ്യാസ പശ്ചാത്തലവും വിദ്യാഭ്യാസ ലക്ഷ്യവും സംബന്ധിച്ചുള്ള ഒരു ചെറിയ വിവരണം ഇതോടൊപ്പം ഉണ്ടാകണം. പതിനൊന്ന് മാസം മുമ്പായി അപേക്ഷകള് ബന്ധപ്പെട്ട യൂണിവേഴ്സിറ്റികളില് ലഭിച്ചിരിക്കണം. പൊതുവേ അമേരിക്കന് യൂണിവേഴ്സിറ്റികള് വിദ്യാര്ത്ഥിയുടെ പ്രവേശനം സംബന്ധിച്ച വിവരങ്ങള് സൂക്ഷിച്ചുവെക്കാറില്ല. അതുകൊണ്ട് അപേക്ഷകള് വളരെ മുന്പ് അയക്കേണ്ടതില്ല.</p> <p style="text-align: justify; ">ആര്.എ.എം. (റിക്വസ്റ്റ് ഫോര് അഡ്മിഷന് മെറ്റീരിയല്) ഫോമിലാണ് അപേക്ഷകള് തയ്യാറാക്കേണ്ടത്. എയറോഗ്രാമില് പ്രിന്റു ചെയ്ത അപേക്ഷകള് ഇന്ത്യയിലെ എല്ലാ യു.എസ്. എഡ്യൂക്കേഷണല് ഫൗണ്ടേഷനില് നിന്നും വാങ്ങാവുന്നതാണ്. അപേക്ഷകള് ലഭിച്ചാലുടന് തന്നെ പൂരിപ്പിച്ച് തിരിച്ചയക്കേണ്ടതാണ്. ഇംഗ്ലീഷ്ഭാഷാ പരിജ്ഞാനപരീക്ഷകളിലും മറ്റും കഴിയുന്നതും നേരത്തേ യോഗ്യത നേടിയിരിക്കണം.</p> <p style="text-align: justify; "><strong>വിദ്യാഭ്യാസ രേഖകള്</strong></p> <p style="text-align: justify; ">അപേക്ഷിക്കു യൂണിവേഴ്സിറ്റികളും കോളേജുകളും ഏതെല്ലാം വിദ്യാഭ്യാസ രേഖകളാണ് ഹാജരാക്കേണ്ടത് എന്നതിനെക്കുറിച്ച് വ്യക്തമായി വിശദമാക്കും. ബന്ധപ്പെട്ട രേഖയും സ്കൂള്, കോളേജ്, യൂണിവേഴ്സിറ്റി അധികാരികള് സാക്ഷ്യപ്പെടുത്തിയിരിക്കണം. സര്ട്ടിഫിക്കറ്റുകളുടെ ഫോട്ടോസ്റ്റാറ്റ് പതിപ്പുകള് യു.എസ്.ഇ.എഫ്.ഐ. വിഭാഗത്തിലെ ഇ.റ്റി.എ. സെക്ഷന് ഉദ്യോഗസ്ഥര് അറ്റസ്റ്റ് ചെയ്തിരിക്കണം. ടൈപ്പ് ചെയ്ത കോപ്പികള് യൂണിവേഴ്സിറ്റികള് സ്വീകരിക്കാറില്ല. പ്രാദേശിക ഭാഷയിലുള്ള മാര്ക്ക് ലിസ്റ്റുകളും സര്ട്ടിഫിക്കറ്റുകളും ഇംഗ്ലീഷ് ഭാഷാ പരിജ്ഞാനമുള്ള യൂണിവേഴ്സിറ്റി പ്രൊഫസര്മാര് തര്ജ്ജമ ചെയ്യണം. ഇങ്ങനെ തര്ജ്ജമ ചെയ്ത രേഖയും യു.എസ്.ഇ.എഫ്.ഐ. ലെ ഇ.റ്റി.ഐ. വിഭാഗം സാക്ഷ്യപ്പെടുത്തി യൂണിവേഴ്സിറ്റിയില് അയക്കണം.</p> <p style="text-align: justify; "><strong>പുറപ്പെടുതിനുള്ള തയ്യാറെടുപ്പ്</strong></p> <p style="text-align: justify; ">പ്രവേശനം ലഭിച്ചുകഴിഞ്ഞാല് യൂണിവേഴ്സിറ്റി കത്തു മുഖേന ആ വിവരം അറിയിക്കുതാണ്. യോഗ്യതാ സര്ട്ടിഫിക്കറ്റും (ഐ.എ.പി. 66) അയച്ചുതരുന്നതാണ്. ഇത് ലഭിച്ചു കഴിഞ്ഞാല് പുറപ്പെടുതിന് ഏറ്റവും ചുരുങ്ങിയത് ഒരു മാസത്തിന് മുമ്പെങ്കിലും ഏറ്റവുമടുത്തുള്ള അമേരിക്കന് കോസുലേറ്റ് ഓഫീസുമായി ബന്ധപ്പെട്ട് എങ്ങനെയാണ് ഒരു എഫ് വണ്, ഐ. വണ്(സ്റ്റുഡന്റ് വിസ)ക്ക് അപേക്ഷിക്കേണ്ടത് എന്നതിനെപ്പറ്റിയുള്ള വിവരം തേടേണ്ടതാണ്. പ്രദേശിക പാസ്പോര്ട്ട് ഓഫീസില് നിന്നും പാസ്പോര്ട്ട് കരസ്ഥമാക്കുകയും വേണം. ഇന്ത്യന് നാണയത്തിലാണ് ചിലവുകള് വഹിക്കുവാന് തീരുമാനിച്ചതെങ്കില് റിസര്വ് ബാങ്കില് നിന്നും ഒരു വിദേശ നാണയ വിനിമയ സമ്മതപത്രം ലഭ്യമാക്കേണ്ടതാണ്.</p> <h3 style="text-align: justify; ">ഉപരിപഠനം ഇംഗ്ലണ്ടില്</h3> <p style="text-align: justify; ">വിവിധ വിഷയങ്ങളിലായി ആയിരക്കണക്കിന് കോഴ്സുകള് ഇംഗ്ലണ്ടിലെ വിവിധ യൂണിവേഴ്സിറ്റികള് വിവിധ പ്രായത്തിലുള്ളവര്ക്കായി വാഗ്ദാനം ചെയ്യുന്നു. ഉയര്ന്ന ഗുണനിലവാരമാണ് ഇംഗ്ലീഷ് യൂണിവേഴ്സിറ്റികളിലെ കോഴ്സുകളുടെ പ്രത്യേകത. പ്രവേശനം നേടുന്നതിനായി വിവിധതരം കടമ്പകള് കടക്കേണ്ടതുണ്ട്.</p> <p style="text-align: justify; "><strong>ബിരുദാനന്തര ബിരുദ പഠനം ഇംഗ്ലണ്ടില്</strong></p> <p style="text-align: justify; ">ഒരു നിശ്ചിത സമയംവരെയുള്ള വിജയകരമായ ഗവേഷണത്തിലൂടെയോ അധ്യാപന പ്രവര്ത്തനങ്ങളിലൂടെയോ ആണ് ഇംഗ്ലണ്ടില് പോസ്റ്റ് ഗ്രാജ്വേറ്റ് ബിരുദം ലഭ്യമാകുക. മാസ്റ്റേഴ്സ്, ഡിപ്ലോമ, സര്ട്ടിഫിക്കറ്റ് തലങ്ങളില് റ്റോട്ട് കോഴ്സുകള് ലഭ്യമാണ്. ക്ലാസുകള്, സെമിനാറുകള്, ലക്ചറുകള്, തീസീസ്/ ഡെസര്ട്ടേഷന് തുടങ്ങീ പ്രവര്ത്തനങ്ങളിലൂടെയാണ് പഠനം. ഗവേഷണ ബിരുദം(എം.ഫില്, പി.എച്ച്.ഡി.) തുടങ്ങിയ കോഴ്സുകള് ഒരു നിശ്ചിത സമയംവരെയുള്ള യഥാര്ത്ഥ ഗവേഷണത്തിലൂടെ സമര്പ്പിച്ച വിവരങ്ങള് പരിശോധിച്ച ശേഷമാണ് നല്കുക.</p> <p style="text-align: justify; "><strong>ശ്രദ്ധിക്കേണ്ട കാര്യങ്ങള്</strong></p> <p style="text-align: justify; ">വിദ്യാഭ്യാസ സ്ഥാപനം തിരഞ്ഞെടുക്കുമ്പോള് ഗവേഷണ പ്രവര്ത്തനങ്ങള്ക്കായി ഒരു വിദ്യാഭ്യാസ സ്ഥാപനം തിരഞ്ഞെടുക്കുമ്പോള് ശ്രദ്ധിക്കേണ്ട കാര്യങ്ങള്:</p> <p style="text-align: justify; ">ഗവേഷണ പ്രവര്ത്തനങ്ങള് നടക്കുന്ന ഡിപ്പാര്ട്ടുമെന്റുകളുമായി അതിന്റെ വിശദാംശങ്ങള്ക്കായി അപേക്ഷിക്കുക. കറന്റ് റിസര്ച്ച് ഇന് ബ്രിട്ടണ് വിശദ വിവരങ്ങള്ക്കായി പരിശോധിക്കുക. ഗവേഷണ പദ്ധതിയും പശ്ചാത്തലവും വിശദമാക്കിക്കൊണ്ട് ചേരുവാന് ആഗ്രഹിക്കുന്ന യൂണിവേഴ്സിറ്റി/ കോളേജ് ഡിപ്പാര്ട്ട്മെന്റ് തലവന് എഴുതുക. ഇംഗ്ലണ്ടിലെ വിദ്യാഭ്യാസ സ്ഥാപനങ്ങളെ മികവിന്റെ അടിസ്ഥാനത്തില് വേര്തിരിച്ചിട്ടുണ്ട്. അഞ്ച് പോയിന്റ് സ്കെയിലില് നില്ക്കുന്ന സ്ഥാപനങ്ങള് അന്താരാഷ്ട്ര മികവുള്ളതാണ്.</p> <p style="text-align: justify; "><strong>പ്രവേശന നടപടികള്</strong></p> <p style="text-align: justify; ">ഒരു വര്ഷം മുന്പെങ്കിലും ഗ്രാജ്വേഷന് പ്രവേശനത്തിനായുള്ള അന്വേഷണങ്ങള് ബന്ധപ്പെട്ട യൂണിവേഴ്സിറ്റികള്ക്ക് അയക്കേണ്ടതാണ്. പ്രത്യേകം ബ്രിട്ടീഷ് കൗണ്സിലിലെ വിദ്യാര്ത്ഥി വിഭാഗത്തില് പ്രത്യേകം തയ്യാറാക്കിയ അപേക്ഷാഫോമുകള് ലഭ്യമാണ്. എല്ലാ ഇംഗ്ലീഷ് യൂണിവേഴ്സിറ്റികളും ഇത് സ്വീകരിക്കുന്നതാണ്. ബന്ധപ്പെട്ട വിഷയത്തില് ബ്രിട്ടീഷ് ഫസ്റ്റ് ഡിഗ്രിക്ക് തുല്യമായ യോഗ്യത ബിരുദാനന്തര പഠനത്തിനായി മിക്ക ഇംഗ്ലീഷ് യൂണിവേഴ്സിറ്റികളും നിഷ്കര്ഷിക്കാറുണ്ട്. പ്രവേശന നിലവാരം ഉയര്ന്നതായതിനാല്, മിക്ക യൂണിവേഴ്സിറ്റികളും ചില അവസരങ്ങളില് വിദേശ വിദ്യാര്ത്ഥിയോട് റ്റോട്ട് കോഴ്സ് ചെയ്യാന് ആവശ്യപ്പെടാറുണ്ട്. പി.എച്ച്.ഡി. ബിരുദത്തിന് മുമ്പായി എം.ഫില് കോഴ്സിന് ചേര്ന്നിരിക്കണം. തൃപ്തികരമായി എം.ഫില് പൂര്ത്തിയാക്കിയാല് തുടര്ന്ന് പി.എച്ച്.ഡി.ക്ക് രജിസ്റ്റര് ചെയ്യാവുന്നതാണ്.</p> <p style="text-align: justify; ">ഇംഗ്ലീഷ്ഭാഷാ പരിജ്ഞാനം നിര്ബന്ധം. ഇതിനായി റ്റി.ഒ.എഫ്.ഇ.എല്., ഐ.ഇ.എല്.റ്റി.എസ്. തുടങ്ങിയ പരീക്ഷകളിലെ മികച്ച സ്കോര് അത്യാവശ്യമാണ്.</p> <p style="text-align: justify; "><strong>കോഴ്സിന്റെ കാലാവധി</strong></p> <p style="text-align: justify; ">ഒന്പത് മാസം മുതല് രണ്ടുവര്ഷം വരെയാണ് ബിരുദാനന്തര പഠനത്തിന്റെ കാലദൈര്ഘ്യം. ഒക്ടോബറിലാണ് മിക്കവാറും കോഴ്സുകള് ആരംഭിക്കുന്നത്. സെപ്റ്റംബര് അവസാനം മുതലാണ് അക്കാഡമിക് വര്ഷം ആരംഭിക്കുന്നത്.</p> <p style="text-align: justify; "><strong>യോഗ്യതാരേഖകള്</strong></p> <p style="text-align: justify; ">അപേക്ഷയോടൊപ്പം വിദ്യാഭ്യാസ യോഗ്യതകള് തെളിയിക്കുന്ന രേഖകള് നിര്ബന്ധമാണ്. യഥാര്ത്ഥ രേഖകള് ഇംഗ്ലീഷ് ഭാഷയില് അല്ലെങ്കില് ഒരു നല്ല ഇംഗ്ലീഷ് വിവര്ത്തനം നിര്ബന്ധമായും ഉള്പ്പെടുത്തണം. അക്കാഡമിക് റഫറന്സുകള് വളരെ അത്യാവശ്യമാണ്.</p> <p style="text-align: justify; "><strong>വിസ</strong></p> <p style="text-align: justify; ">ബ്രിട്ടീഷ് ഡെപ്യൂട്ടി ഹൈക്കമ്മീഷനില് നിന്നും സ്റ്റുഡന്റ് വിസ ലഭിക്കുന്നതാണ്. വിദ്യാര്ത്ഥിയുടെ പൂര്ണ്ണമായ വിവരങ്ങള്, മുഴുവന് സമയ കോഴ്സിനുള്ള സമ്മതപത്രം, പഠനചിലവുകള് താങ്ങാന് പറ്റുമെന്നുള്ള ഉറപ്പ്, പഠനത്തിനുശേഷം തിരിച്ചുവരാമെന്നുള്ള ഉറപ്പ് എന്നിവ വിസ ലഭിക്കുന്ന സമയത്ത് തെളിയിക്കേണ്ടതാണ്.</p> <h3 style="text-align: justify; ">ഉപരിപഠനം കാനഡയില്</h3> <p style="text-align: justify; ">ലോകമെങ്ങുമുള്ള സമര്ത്ഥരായ വിദ്യാര്ത്ഥികള്ക്ക് ഉന്നത പഠനത്തിനായി നിരവധി അവസരങ്ങള് കനേഡിയന് യൂണിവേഴ്സിറ്റികള് വാഗ്ദാനം ചെയ്യുന്നു. മൂന്ന് തരത്തിലുള്ള ഗ്രാജ്വേറ്റ് ഡിഗ്രികളാണ് കനേഡിയന് യൂണിവേഴ്സിറ്റികള് നടത്തുന്നത്.</p> <p style="text-align: justify; ">1. മാസ്റ്റര് ഡിഗ്രി</p> <p style="text-align: justify; ">2. ഗവേഷണത്തിലൂടെയുള്ള മാസ്റ്റര് ഡിഗ്രി.</p> <p style="text-align: justify; ">3. യഥാര്ത്ഥ ഗവേഷണം. പ്രബന്ധം സമര്പ്പിച്ചു നേടുന്ന പി.എച്ച്.ഡി. ഡിഗ്രി.</p> <p style="text-align: justify; ">ഗവേഷണമടിസ്ഥാനമാക്കിയുള്ള മാസ്റ്റര് ഡിഗ്രി സാധാരണയായി രണ്ടുവര്ഷം കൊണ്ടാണ് പൂര്ണ്ണമാക്കുന്നത്. രണ്ട് മുതല് മൂന്ന് വര്ഷം വരെയാണ് പി.എച്ച്.ഡി. ഡിഗ്രി പൂര്ത്തിയാക്കാന് വേണ്ടി വരുക.</p> <p style="text-align: justify; ">ഗവേഷണമാരംഭിക്കുന്നതിനുമുമ്പ് യൂണിവേഴ്സിറ്റിയുടെ യോഗ്യതാപരീക്ഷകള് വിജയിച്ചിരിക്കണം. ഏത് യൂണിവേഴ്സിറ്റിയില് ഏത് കോഴ്സിനാണോ പ്രവേശനമാഗ്രഹിക്കുന്നത്, ആ യൂണിവേഴ്സിറ്റിയിലെ രജിസ്ട്രാര് ഓഫീസിലേക്ക് അപേക്ഷാഫോമിനുവേണ്ടി എഴുതുക. സെപ്റ്റംബര് മാസത്തോടെയാണ് അക്കാദമിക് വര്ഷം ആരംഭിക്കുന്നത്.</p> <h3 style="text-align: justify; ">ഉപരിപഠനം ആസ്റ്റ്രേലിയയില്</h3> <p style="text-align: justify; ">അന്താരാഷ്ട്ര പ്രശസ്തിയാര്ജ്ജിച്ച ആസ്ട്രേലിയന് കോളേജ് ഓഫ് ഫിസിക്കല് എഡ്യൂക്കേഷന് അവോണ്ഡേല് കോളേജ്, ബോണ്ട് യൂണിവേഴ്സിറ്റി തുടങ്ങിയ നിരവധി സ്വകാര്യ യൂണിവേഴ്സിറ്റികളുള്ള സ്ഥലമാണ് ആസ്ട്രേലിയ. സമര്ത്ഥരായ അന്തര്ദേശീയ വിദ്യാര്ത്ഥികള്ക്ക് ഇവിടെ ധാരാളം പഠനാവസരങ്ങളുണ്ട്. ഇവിടുത്തെ പ്രത്യേകത ധാരാളം സ്വകാര്യ യൂണിവേഴ്സിറ്റികള് ഉണ്ടെന്നുള്ളതാണ്. ഗവേഷണത്തിനും പഠനത്തിനുമുള്ള അവസരങ്ങള് ആസ്ട്രേലിയന് യൂണിവേഴ്സിറ്റികള് വാഗ്ദാനം ചെയ്യുന്നു. ആസ്ട്രേലിയന് ഉന്നത വിദ്യാഭ്യാസത്തിലേക്ക് നിരവധി മാര്ഗ്ഗങ്ങളിലൂടെ ദേശാന്തര വിദ്യാര്ത്ഥികള്ക്ക് പ്രവേശനം നേടാവുന്നതാണ്. നേരിട്ടുള്ള പ്രവേശനമാണ് ഏറ്റവും എളുപ്പമുള്ളത്. ചേരാനാഗ്രഹിക്കുന്ന വിദ്യാഭ്യാസ സ്ഥാപനങ്ങളിലേക്ക് പ്രവേശനത്തെ സംബന്ധിക്കുന്ന വിവരങ്ങള്ക്കായി എഴുതുക എന്നുള്ളതാണ് ആദ്യപടി. പ്രാഥമിക കൂടിക്കാഴ്ചയും ഉപദേശവും ആസ്ട്രേലിയന് എഡ്യൂക്കേഷന് (എ.ഇ.സി.) സെന്ററില് നിന്നും ലഭ്യമാണ്.</p> <p style="text-align: justify; "><strong>സ്റ്റുഡന്റ് വിസ</strong></p> <p style="text-align: justify; ">മുഴുവന് സമയ പഠനത്തിനായി താല്ക്കാലിക സ്റ്റുഡന്റ് വിസ അനുവദിക്കുന്നു. താഴെപ്പറയുന്ന രേഖകള് വേണം.</p> <p style="text-align: justify; ">1. ശരിയായ വിദ്യാര്ത്ഥിയായിരിക്കുക, പഠനാനന്തരം തിരിച്ചുവരാം എന്നുള്ള ഉറപ്പുകള് നല്കുക.</p> <p style="text-align: justify; ">2. മുഴുവന് സമയ വ്യവസ്ഥയില് ഏതെങ്കിലും കോഴ്സുകള്ക്ക് രജിസ്ട്രേഷന് നേടുക.</p> <p style="text-align: justify; ">3. പഠനച്ചെലവുകള് വഹിക്കാനുള്ള ശേഷി ഉണ്ടന്ന് തെളിയിക്കുക.</p> <p style="text-align: justify; ">4. ആരോഗ്യ ഇന്ഷുറന്സിനുവേണ്ടി വേണ്ട ക്രമീകരണങ്ങള് ആസ്ട്രേലിയയില് നടത്തിയിട്ടുണ്ടെന്ന് ഉറപ്പുവരുത്തിയ തെളിവുകള് നല്കുക.</p> <p style="text-align: justify; ">ആസ്ട്രേലിയന് യൂണിവേഴ്സിറ്റികളിലേക്കുള്ള പ്രവേശനം</p> <p style="text-align: justify; ">1. പ്രവേശനം ലഭിക്കുമെന്നുറപ്പുള്ള മൂന്ന് നാല് സ്ഥാപനങ്ങളുടെ ഒരു ലിസ്റ്റ് വിദ്യാര്ത്ഥി ഹാജരാക്കണം.</p> <p style="text-align: justify; ">2. പ്രവേശനത്തിന് ഒരുവര്ഷം മുന്മ്പേ തന്നെ അപേക്ഷ നടപടികള് ആരംഭിക്കേണ്ടതാണ്.</p> <p style="text-align: justify; ">3. ആസ്ട്രേലിയന് എഡ്യൂക്കേഷന് സെന്ററുകളില് നിന്ന് അപേക്ഷകള് വാങ്ങാവുന്നതാണ്. അല്ലെങ്കില് വിദ്യാഭ്യാസ സ്ഥാപനങ്ങളില് നിന്നും നേരിട്ട് വാങ്ങാവുന്നതാണ്. എല്ലാ യൂണിവേഴ്സിറ്റികള്ക്കും അവരുടേതായ അപേക്ഷാഫോമുകള് ഉണ്ട്. ഏത് സ്ഥാപനത്തിലപേക്ഷിക്കുമ്പോഴും വിദ്യാര്ത്ഥി തന്റെ നിലവാരം തെളിയിക്കുവാന് ബാധ്യസ്ഥനാണ്.</p> <p style="text-align: justify; ">വിദ്യാര്ത്ഥിയുടെ പരീക്ഷാ യോഗ്യതകള് തെളിയിക്കുന്ന സര്ട്ടിഫിക്കറ്റുകള് നേരിട്ട് ചേരാനാഗ്രഹിക്കുന്ന സ്ഥാപനത്തിലേക്ക് അയക്കണം. ഒറിജിനറല് പാടില്ല. ഇംഗ്ലീഷിലല്ലാത്ത സര്ട്ടിഫിക്കറ്റുകളുടെ വിവര്ത്തനം തീര്ച്ചയായും ഉണ്ടായിരിക്കണം. എന്തുകൊണ്ട് കോഴ്സ് തിരഞ്ഞെടുത്തു എന്നതിനെപ്പറ്റി വിദ്യാര്ത്ഥി ഒരു പ്രസ്താവന എഴുതി തയ്യാറാക്കി നല്കണം. ഏറെ ആവശ്യക്കാരുള്ള കോഴ്സുകള്ക്ക് ഇത് വളരെ നിര്ബന്ധമാണ്.</p> <p style="text-align: justify; ">ഇംഗ്ലീഷ്ഭാഷാ പരിജ്ഞാനം തെളിയിക്കുന്നതിനുള്ള ടോഫല്, ഐ.ഇ.എല്.റ്റി.എസ.് തുടങ്ങിയ പരീക്ഷകള് ജയിച്ചിരിക്കണം. പഠനച്ചിലവുകള് താങ്ങാന് കഴിയുമെന്ന് തെളിയിക്കുന്ന രേഖകള് നിര്ബന്ധമായും വെളിപ്പെടുത്തിയിരിക്കണം. അതുവരെ പ്രവേശനം സംബന്ധിച്ച രേഖകള് യൂണിവേഴ്സിറ്റി വിദ്യാര്ത്ഥികള്ക്ക് കൈമാറുന്നതല്ല. അക്സ്റ്റന്സ് അഡ്വൈസ് (എ.എ.) ഫോം ബന്ധപ്പെട്ട യൂണിവേഴ്സിറ്റി വിദ്യാര്ത്ഥികള്ക്ക് നല്കും. ഇത് ആസ്ട്രേലിയന് എംബസിയിലോ കോണ്സുലേറ്റിലോ നല്കിയാല് വിദ്യാര്ത്ഥിക്ക് വിസ അനുവദിക്കും. താല്ക്കാലിക സ്റ്റുഡന്റ് വിസയാണ് അനുവദിക്കുക. സ്ഥാപനത്തില് ചേരുന്ന മുറക്ക് തന്നെ ട്യൂഷന്ഫീസിന്റെ ഒരു നിശ്ചിത ശതമാനം മുന്കൂറായി നല്കണം. ഫീസ്, അതടയ്ക്കേണ്ട സമയം യൂണിവേഴ്സിറ്റികള്ക്ക് വ്യത്യസ്ത നിബന്ധനകളാണുള്ളത്.</p> <p style="text-align: justify; ">ആസ്ട്രേലിയന് ഗവണ്മെന്റ് രാജ്യങ്ങളെ ഗസറ്റഡ്, നോണ് ഗസറ്റഡ് എന്നിങ്ങനെ തിരിച്ചിട്ടുണ്ട്. ഇതില് ഗസറ്റഡ് രാജ്യങ്ങളില് നിന്നുള്ളവര്ക്ക് (യൂറോപ്പ്, വടക്കനമേരിക്കന് രാജ്യങ്ങള്) താരതമ്യേന എളുപ്പമായ നടപടിക്രമങ്ങളാണുള്ളത്. ഇന്ത്യ അടക്കമുള്ള രാജ്യങ്ങള് നോണ് ഗസറ്റഡ് വിഭാഗമാണ്. ഇവിടെ നിന്നുള്ള വിദ്യാര്ത്ഥികള്ക്ക് താല്ക്കാലിക സ്റ്റുഡന്റ് വിസ ലഭിക്കുവാന്വേണ്ടി, യൂണിവേഴ്സിറ്റികളില് ചേരുന്നതിനുമുന്മ്പുതന്നെ അപേക്ഷകള് സമര്പ്പിച്ചിരിക്കണം. ഗവണ്മെന്റ് സ്പോണ്സര് ചെയ്യുന്ന വിദ്യാര്ത്ഥികളെ ഈ നിബന്ധനയില് നിന്നും ഒഴിവാക്കിയിരിക്കുന്നു. അവര്ക്ക് ഗസറ്റഡ് രാജ്യങ്ങളില് നിന്നുള്ള വിദ്യാര്ത്ഥികള്ക്കുള്ള നടപടി ക്രമങ്ങള് മാത്രമേ ഉള്ളൂ.</p> <p style="text-align: justify; ">സെല്ഫ് അസസ്മെന്റ് ഗൈഡുകള് ഉപയോഗിച്ച് വിദ്യാര്ത്ഥിക്ക് പ്രവേശന യോഗ്യതകള് ഉണ്ടോ എന്ന് പരിശോധിക്കാവുന്നതാണ്. ആസ്ട്രേലിയന് ഹൈക്കമ്മീഷണര് ഓഫീസില് നിന്നും ഇത് ലഭ്യമാണ്. പണവും സമയവും ലാഭിക്കുവാന് ഈ പത്രിക സഹായിക്കും.</p> <p style="text-align: justify; "><strong>ജി.ആര്.ഇ</strong></p> <p style="text-align: justify; ">അമേരിക്കയിലെ യൂണിവേഴ്സിറ്റികളില് പ്രവേശനത്തിന് ജി.ആര്.ഇ. സ്കോര് നിര്ബന്ധമാണ്. എഴുതാനും വിശകലനം ചെയ്യാനുമുള്ള കഴിവ് കണക്കിലെ അഭിരുചി എന്നിവയാണ് ഈ പരീക്ഷയിലൂടെ വിലയിരുത്തുന്നത്. ഇതിനുപുറമേ ഇന്ര്നെറ്റ് അധിഷ്ഠിതമായ (ഐ.ബി.ടി.) പരീക്ഷയുമുണ്ട്. പരീക്ഷയുടെ ആദ്യഭാഗത്തുള്ള ചോദ്യങ്ങള് പ്രയാസമുള്ളതായിരിക്കും. ഉത്തരങ്ങളെ ആശ്രയിച്ച് ചോദ്യങ്ങളുടെ കാഠിന്യം വര്ദ്ധിക്കും. കാഠിന്യമുള്ള ചോദ്യങ്ങള്ക്ക് ഉത്തരം നല്കിയാല് ഉയര്ന്ന സ്കോര് നേടാം.</p> <p style="text-align: justify; ">പരീക്ഷയുടെ അനലറ്റിക്കല് വിഭാഗത്തില് വിശകലനം ചെയ്യാനുള്ള കഴിവാണ് പരിശോധിക്കുന്നത്.</p> <p style="text-align: justify; ">ക്വാണ്ടിറ്റേറ്റീവ് വിഭാഗത്തില് അടിസ്ഥാന ഗണിതം, ഗണിതപ്രശ്നങ്ങല്ക്ക് ഉത്തരം കണ്ടെത്തല്, ജ്യോമെട്രി എന്നിവയാണ്<span> </span><span>പരിശോധിക്കുന്നത്.</span></p> <p style="text-align: justify; "><strong><span>പരീക്ഷയെ സംബന്ധിച്ചുള്ള വിവര</span><span>ങ്ങള്</span></strong></p> <p style="text-align: justify; ">1. വെര്ബല് പരീക്ഷ</p> <p style="text-align: justify; ">സമയം-75 മിനിട്ട്</p> <p style="text-align: justify; ">2. അനലറ്റിക്കല് റൈറ്റിംഗ്</p> <p style="text-align: justify; ">സമയം-1 മണിക്കൂര്</p> <p style="text-align: justify; ">വിഷയം-രണ്ട്</p> <p style="text-align: justify; ">3. ക്വാണ്ടിറ്റേറ്റീവ് വിഭാഗം</p> <p style="text-align: justify; ">സമയം-1 മണിക്കൂര്</p> <p style="text-align: justify; ">വിഷയം-രണ്ട്</p> <p style="text-align: justify; ">സ്കോര് അഞ്ച് വര്ഷം വരെ നിലനില്ക്കും.</p> <p style="text-align: justify; "><strong>ജിമാറ്റ്</strong></p> <p style="text-align: justify; ">അമേരിക്കന് സര്വകലാശാലകളില് മാനേജ്മെന്റ് പഠനം ഉദ്ദേശിക്കുന്നുവെങ്കില് ആദ്യം ജിമാറ്റില് ഉയര്ന്ന സ്കോര് നേടണം. ഈ പരീക്ഷയും കമ്പ്യൂട്ടറധിഷ്ഠിതമാണ്. വെര്ബല്, ക്വാണ്ടിറ്റേറ്റീവ്, അനലറ്റിക്കല് റൈറ്റിംഗ് എന്നിങ്ങനെ മൂന്ന് ഭാഗങ്ങളായാണ് പരീക്ഷ നടത്തുന്നത്. ആദ്യമാദ്യമുള്ള ചോദ്യങ്ങള് താരതമ്യേന പ്രയാസം കുറഞ്ഞവയായിരിക്കും. ചോദ്യങ്ങള് തിരഞ്ഞെടുക്കുന്ന രീതിക്കനുസരിച്ച് അവയുടെ കാഠിന്യത്തിലും വ്യതിയാനമുണ്ടാവും. പ്രയാസമുള്ള ചോദ്യങ്ങള്ക്ക് ഉത്തരം നല്കിയാല് ഉയര്ന്ന സ്കോര് ലഭിക്കും.</p> <p style="text-align: justify; ">വെര്ബല്, ക്വാണ്ടിറ്റേറ്റീവ് വിഭാഗങ്ങള് വിവരങ്ങള് ക്രോഡീകരിച്ച് വിശകലനാത്മകമായി വിലയിരുത്താനുള്ള കഴിവ് പരിശോധിക്കുന്നു. പ്രാഥമിക ധാരണയും വിലയിരുത്തും. അനലറ്റിക്കല് റൈറ്റിംഗ് വിശകലനാത്മകമായി ചിന്തിക്കാനും എഴുതാനുമുള്ള ശേഷി വിലയിരുത്തുന്നു. 200 അമേരിക്കന് ഡോളറാണ് ചെലവ്. അഞ്ച് വര്ഷം വരെ സ്കോര് നിലനില്ക്കും.</p> <p style="text-align: justify; "><strong>വെര്ബല് റീസണിംഗ്</strong></p> <p style="text-align: justify; ">ഇംഗ്ലീഷില് അച്ചടിച്ച വിവരങ്ങള് വായിക്കാനും മനസ്സിലാക്കാനും യുക്തിസഹമായി വിലയിരുത്താനും തിരുത്താനുമുള്ള കഴിവുകളാണ് ഈ രംഗത്ത് വിലയിരുത്തുന്നത്.</p> <p style="text-align: justify; ">അടിസ്ഥാന ഗണിതത്തിലും ഗണിതശാസ്ത്ര പ്രശ്നങ്ങള് നിര്ദ്ധാരണം ചെയ്യാനുമുള്ള കഴിവാണ് ക്വാണ്ടിറ്റേറ്റീവ് വിഭാഗത്തില് പരിശോധിക്കുന്നത്.</p> <p style="text-align: justify; ">വിഷയങ്ങള് വിലയിരുത്താനും അപഗ്രഥിക്കാനുമുള്ള ശേഷികളാണ് അനലറ്റിക്കല് പരീക്ഷയിലൂടെ അളക്കുന്നത്.</p> <p style="text-align: justify; "><strong>ശ്രദ്ധിക്കേണ്ട കാര്യങ്ങള്</strong></p> <p style="text-align: justify; ">അടുത്തുള്ള ജി.എം.എ.റ്റി. സെന്ററുമായി കൂടിക്കാഴ്ച ഉറപ്പിക്കാം.</p> <p style="text-align: justify; ">പരീക്ഷക്ക് അരമണിക്കൂര് മുമ്പെങ്കിലും എത്തുക. താമസിച്ചാല് പരീക്ഷക്കിരിക്കാന് അനുവദിക്കില്ല. പണം തിരികെ നല്കുന്നതുമല്ല.</p> <p style="text-align: justify; ">വെര്ബല് പരീക്ഷ(75 മിനിട്ട്) 42 ചോദ്യങ്ങള്</p> <p style="text-align: justify; ">ക്വാണ്ടിറ്റേറ്റീവ് വിഭാഗം (75 മിനിട്ട്) 37 ചോദ്യങ്ങള്</p> <p style="text-align: justify; ">അനലറ്റിക്കല് റൈറ്റിംഗ് 1 മണിക്കൂര്- രണ്ട് വിഷയങ്ങള്.</p> <p style="text-align: justify; "><strong>ടോഫല്</strong></p> <p style="text-align: justify; ">ഇംഗ്ലീഷ് മാതൃഭാഷയല്ലാത്ത രാജ്യങ്ങളില് നിന്നുള്ളവര്ക്കുള്ള യോഗ്യത പരീക്ഷയാണ് ടോഫല്. അമേരിക്ക, കാനഡ എന്നിവിടങ്ങളില് ഉപയോഗിക്കുന്ന രീതിയില് ഇംഗ്ലീഷ് ഭാഷ കൈകാര്യം ചെയ്യാനുള്ള കഴിവാണ് ഇതില് പരിശോധിക്കുന്നത്. ടോഫല് സ്കോര്, അമേരിക്കയിലും കാനഡയിലുമുള്ള യൂണിവേഴ്സിറ്റി പ്രവേശനത്തിന് നിര്ബന്ധമാണ്.</p> <p style="text-align: justify; ">ടോഫല് പരീക്ഷയ്ക്ക് നാലു വിഭാഗങ്ങളുണ്ട്: 1. ലിസണിംഗ് 2. സ്ട്രക്ചര് 3. റീഡിംഗ് 4. റൈറ്റിംഗ്</p> <p style="text-align: justify; ">ലിസണിംഗ് വിഭാഗത്തില് അമേരിക്കന് യൂണിവേഴ്സിറ്റികളില് ഉപയോഗിക്കുന്ന ഇംഗ്ലീഷ് മനസ്സിലാക്കാന് ഉള്ള കഴിവ് പരിശോധിക്കുന്നു.</p> <p style="text-align: justify; ">നിലവാരമുള്ളതും എഴുതി നല്കിയിരിക്കുന്നതുമായ ഇംഗ്ലീഷ് മനസ്സിലാക്കാനുള്ള കഴിവാണ് സ്ട്രക്ചര് വിഭാഗത്തില് പരിശോധിക്കുന്നത്.</p> <p style="text-align: justify; ">റീഡിംഗ് വിഭാഗത്തില് ആശയം ഗ്രഹിക്കാനുള്ള കഴിവ് പരിശോധിക്കുന്നു.</p> <p style="text-align: justify; ">റൈറ്റിംഗ് വിഭാഗത്തില് നിര്ദ്ദേശിക്കുന്ന വിഷയത്തെക്കുറിച്ച് എഴുതാനുള്ള കഴിവാണ് പരിശോധിക്കുന്നത്.</p> <p style="text-align: justify; ">ലിസണിംഗ്, സ്ട്രക്ചര് വിഭാഗത്തില് ബൂദ്ധിമുട്ടുളള ചോദ്യങ്ങളാണ് ആദ്യം ചോദിക്കുന്നത്. ഉത്തരങ്ങളെ ആശ്രയിച്ച് തുടര്ന്നുവരുന്ന ചോദ്യങ്ങള്ക്ക് കാഠിന്യം ഉണ്ടാവും. ലോകത്ത് 180 രാജ്യങ്ങളില് ടോഫല് ടെസ്റ്റ് നടക്കുന്നുണ്ട്. അയ്യായിരത്തില്പ്പരം കോളേജുകളും യൂണിവേഴ്സിറ്റികളും ടോഫല് സ്കോര് അംഗീകരിച്ചിട്ടുണ്ട്. ഡല്ഹിയിലുള്ള സില്വര് ടെസ്റ്റിംഗ് സര്വീസിലാണ് അപേക്ഷിക്കേണ്ടത്. 140 അമേരിക്കന് ഡോളറാണ് ചെലവ്. ടോഫല് സ്കോര് രണ്ട് വര്ഷം നിലനില്ക്കും.</p> <p style="text-align: justify; "><strong>സി.ജി.എഫ്.എന്.എസ്</strong></p> <p style="text-align: justify; ">അമേരിക്കയില് ജോലി നേടാനാഗ്രഹിക്കുന്ന ജനറല് നഴ്സുമാര്ക്കുള്ള യോഗ്യത പരീക്ഷയാണ് സി.ജി.എഫ്.എന്.എസ്. സര്ട്ടിഫിക്കേഷന് പ്രോഗ്രാമിനുളള പരീക്ഷകള് ഇവയാണ്</p> <p style="text-align: justify; ">1. ക്രിഡന്ഷ്യല് റിവ്യൂ</p> <p style="text-align: justify; ">2. സി.ജി.എഫ്.എന്.എസ്. യോഗ്യതാപരീക്ഷ</p> <p style="text-align: justify; ">3. ഇംഗ്ലീഷ്ഭാഷാ പ്രാവീണ്യമളക്കാനുള്ള പരീക്ഷ</p> <p style="text-align: justify; ">ക്രിഡന്ഷ്യല് റിവ്യൂവില് വിദ്യാഭ്യാസവും രജിസ്ട്രേഷനും പരിശോധിച്ച് സി.ജി.എഫ്.എന്.എസ്. ഫസ്റ്റ് ലവല് സര്ട്ടിഫിക്കറ്റ് നല്കുന്നു.</p> <p style="text-align: justify; ">സി.ജി.എഫ്.എന്.എസ്. യോഗ്യത പരീക്ഷയ്ക്ക് വേണ്ടി നിശ്ചിത തിയറി ക്ലാസുകളും ക്ലിനിക്കല് പ്രാക്ടീസുകളുമുണ്ട്. ക്ലിനിക്കല് പ്രാക്ടീസില് താഴെപ്പറഞ്ഞിരിക്കുന്ന വിഷയങ്ങളാണ് ഉള്പ്പെടുത്തിരിക്കുന്നത്.</p> <p style="text-align: justify; ">1. അഡല്റ്റ്, മെഡിക്കല്/ സര്ജിക്കല് നഴ്സിംഗ്</p> <p style="text-align: justify; ">2. മെറ്റേണല്/ ഇന്ഫാന്റ് നഴ്സിംഗ്, ഗൈനക്കോളജി</p> <p style="text-align: justify; ">3. ചൈല്ഡ് കെയര് (പീഡിയാട്രിക്)</p> <p style="text-align: justify; ">4. സൈക്യാട്രിക്/ മെന്റല് ഹെല്ത്ത് നഴ്സിംഗ്, ന്യൂറോളജി</p> <p style="text-align: justify; ">ഭാഷാ പ്രാവീണ്യമുളക്കുന്ന പരീക്ഷയില് താഴെപ്പറയുന്ന സ്കോര് നിലയാണ് ഓരോ വിദ്യാര്ത്ഥിയും നേടേണ്ടത്.</p> <p style="text-align: justify; ">ടോഫല്-540(പേപ്പര്/ പെന്സില്വെര്ഷന്)</p> <p style="text-align: justify; ">270(കംപ്യൂട്ടറൈസ്ഡ് വെര്ഷന്)</p> <p style="text-align: justify; ">ടോഫല് (ഇന്ര്നെറ്റ് അധിഷ്ഠിതം)</p> <p style="text-align: justify; ">സ്കോര്-83</p> <p style="text-align: justify; ">ടെസ്റ്റ് ഓഫ് ഇംഗ്ലീഷ് ഫോര് ഇന്റര്നാഷണല് കമ്മ്യൂണിക്കേഷന്(റ്റി.ഒ.ആ.ഐ.സി.)</p> <p style="text-align: justify; ">സ്കോര്-725</p> <p style="text-align: justify; ">ഇന്റര് നാഷണല് ഇംഗ്ലീഷ് ലാംഗ്വേജ് ടെസ്റ്റിംഗ് സിസ്റ്റം</p> <p style="text-align: justify; ">സ്കോര്-6.5</p> <p style="text-align: justify; ">കൂടുതല് വിവരങ്ങല്ക്ക്</p> <p style="text-align: justify; ">സി.ജി.എഫ്.എന്.എസ്.</p> <p style="text-align: justify; ">3600 മാര്ക്കറ്റ് സ്ട്രീറ്റ്</p> <p style="text-align: justify; ">സ്യൂട്ട് 400, ഫിലാഡല്ഫിയ</p> <p style="text-align: justify; ">യു.എസ്.എ.</p> <p style="text-align: justify; ">ഐ.ഇ.എല്.റ്റി..എസ്</p> <p style="text-align: justify; ">ഇന്റര്നാഷണല് ഇംഗ്ലീഷ് ലാംഗ്വേജ് ടെസ്റ്റിംഗ് സിസ്റ്റം എന്നാണ് ഐ.ഇ.എല്.ടി.എസിന്റെ പൂര്ണരൂപം. ഇംഗ്ലീഷ് ഭാഷയില് എഴുതാനും വായിക്കാനും മനസ്സിലാക്കാനും സംസാരിക്കാനുമുള്ള കഴിവുകള് വിലയിരുത്തുന്ന പരീക്ഷയാണിത്. ലോകത്തെമ്പാടുമുള്ള പല വിദ്യാഭ്യാസ സ്ഥാപനങ്ങളും സര്ക്കാര് ഏജന്സികളും തൊഴില് ദായകരും ഐ.ഇ.എല്.ടി.എസ്. ഇംഗ്ലീഷ് പരിജ്ഞാനത്തിന്റെ മാനദണ്ഡമായി അംഗീകരിച്ചിട്ടുണ്ട്.</p> <p style="text-align: justify; ">കാം ബ്രിഡ്ജ് സര്വകലാശാല ഇ.എസ്.ഒ.എല്. എക്സാമിനേഷന്, ബ്രിട്ടീഷ് കൗണ്സില്, ഐ.ഡി.പി. എഡ്യൂക്കേഷന് ആസ്ട്രേലിയ എന്നീ സംഘടനകള് യോജിച്ചു നടത്തുന്ന പരീക്ഷയാണിത്.</p> <p style="text-align: justify; ">ലിസണിംഗ്, റീഡിംഗ്, റൈറ്റിംഗ് പരീക്ഷകള് ഒരു ദിവസമായിരിക്കും. എന്നാല് സ്പീക്കിംഗ് പരീക്ഷക്ക് ആ ദിവസം തന്നെ ഹാജരാകണമെന്നില്ല. പരീക്ഷാതിയതിയുടെ ഒരാഴ്ച മുമ്പോ പിമ്പോ ഈ പരീക്ഷക്ക് ഹാജരാകാവുന്നതാണ്.</p> <p style="text-align: justify; ">കേരളത്തിലുള്ള അപേക്ഷകര് ചെന്നൈയിലുള്ള ബ്രിട്ടീഷ് ഡെപ്യൂട്ടി ഹൈക്കമ്മീഷണര് ഓഫീസിലേക്കാണ് അപേക്ഷകള് അയക്കേണ്ടത്. 6825 രൂപയാണ് പരീക്ഷാഫീസ്.</p> <p style="text-align: justify; ">വിലാസം:</p> <p style="text-align: justify; ">ഐ.ഇ.എല്.ടി.എസ്. അഡ്മിനിസ്ട്രേറ്റര്</p> <p style="text-align: justify; ">ചെന്നൈ-600 002</p> <p style="text-align: justify; ">ഫോണ്-044-52050600</p> <p style="text-align: justify; ">ഫാക്സ്-044-52050688</p> <p style="text-align: justify; ">കേരളത്തില് തിരുവനന്തപുരം, കൊച്ചി, കോട്ടയം എന്നീ നഗരങ്ങളിലാണ് പരീക്ഷാകേന്ദ്രങ്ങളുള്ളത്.</p> <p style="text-align: justify; "><strong>വിസ എങ്ങനെ ലഭിക്കും</strong></p> <p style="text-align: justify; ">വിദേശത്തെ യാത്രയ്ക്ക് അവിടത്തെ താമസത്തിന് അനിവാര്യമായ ഒരു രേഖയാണ് വിസ. വിസ പലതരത്തിലുണ്ട്. പഠനസംബന്ധമായ കാര്യങ്ങള്ക്ക് സ്റ്റുഡന്റ് വിസയാണ് ആവശ്യം. വിദേശത്തെ സര്വകലാശാലകളിലോ കോളേജുകളിലോ പ്രവേശനം ഉറപ്പാക്കിയ ശേഷമാണ് വിസയ്ക്കായി അപേക്ഷിക്കേണ്ടത്. ഓരോ രാജ്യത്തെയും വിസയ്ക്ക് ഓരോ നടപടിക്രമമാണുണ്ടാവുക.</p> <p style="text-align: justify; "><strong>അമേരിക്ക</strong></p> <p style="text-align: justify; ">അമേരിക്കന് സര്വകലാശാലകളിലോ കോളേജുകളിലോ പ്രവേശനം ലഭിച്ചുകഴിഞ്ഞാല് അവര് കത്തു മുഖേന ആ വിവരം അറിയിച്ച് യോഗ്യതാ സര്ട്ടിഫിക്കറ്റും (ഐ.എ.പി. 66) അയച്ചുതരുന്നതാണ്. ഇത് ലഭിച്ചു കഴിഞ്ഞാല് പുറപ്പെടുന്നതിന് ഏറ്റവും ചുരുങ്ങിയത് ഒരു മാസത്തിന് മുമ്പെങ്കിലും ഏറ്റവുമടുത്തുള്ള അമേരിക്കന് കോണ്സുലേറ്റ് ഓഫീസുമായി ബന്ധപ്പെട്ട് എങ്ങനെയാണ് ഒരു എഫ് വണ്, ഐ വണ്(സ്റ്റുഡന്റ് വിസ)ക്ക് അപേക്ഷിക്കേണ്ടത് എന്നതിനെപ്പറ്റിയുള്ള വിവരം തേടേണ്ടതാണ്. പ്രദേശിക പാസ്പോര്ട്ട് ഓഫീസില് നിന്നും പാസ്പോര്ട്ട് കരസ്ഥമാക്കുകയും വേണം. ഇന്ത്യന് നാണയത്തിലാണ് ചിലവുകള് വഹിക്കുവാന് തീരുമാനിച്ചതെങ്കില് റിസര്വ് ബാങ്കില് നിന്നും ഒരു വിദേശ നാണയ വിനിമയ സമ്മതപത്രം ലഭ്യമാക്കേണ്ടതാണ്.</p> <p style="text-align: justify; "><strong>ഇംഗ്ലണ്ട്</strong></p> <p style="text-align: justify; ">ബ്രിട്ടീഷ് ഡെപ്യൂട്ടി ഹൈക്കമ്മീഷനില് നിന്നും സ്റ്റുഡന്റ് വിസ ലഭിക്കും. വിദ്യാര്ത്ഥിയുടെ പൂര്ണ്ണമായ വിവരങ്ങള്, മുഴുവന്സമയ കോഴ്സിനുള്ള സമ്മതപത്രം, പഠനചിലവുകള് താങ്ങാന് പറ്റുമെന്നുള്ള ഉറപ്പ്, പഠനത്തിനുശേഷം തിരിച്ചുവരാമെന്നുള്ള ഉറപ്പ് എന്നിവ വിസ ലഭിക്കുന്ന സമയത്ത് തെളിയിക്കേണ്ടതാണ്.</p> <p style="text-align: justify; "><strong>ആസ്ട്രേലിയ</strong></p> <p style="text-align: justify; ">മുഴുവന് സമയ പഠനത്തിനായി താല്ക്കാലിക സ്റ്റുഡന്റ് വിസ അനുവദിക്കുന്നു. താഴെപ്പറയുന്ന രേഖകള് വേണം.</p> <p style="text-align: justify; ">1. ശരിയായ വിദ്യാര്ത്ഥിയായിരിക്കുക, പഠനാനന്തരം തിരിച്ചുവരാം എന്നുള്ള ഉറപ്പുകള് നല്കുക.</p> <p style="text-align: justify; ">2. മുഴുവന് സമയ വ്യവസ്ഥയില് ഏതെങ്കിലും കോഴ്സിന് രജിസ്ട്രേഷന് നേടുക.</p> <p style="text-align: justify; ">3. പഠനച്ചെലവുകള് വഹിക്കാനുള്ള ശേഷി ഉണ്ടെന്ന് തെളിയിക്കുക.</p> <p style="text-align: justify; ">4. ആരോഗ്യ ഇന്ഷുറന്സിനുവേണ്ടി ആവശ്യമായ ക്രമീകരണങ്ങള് ആസ്ട്രേലിയയില് നടത്തിയിട്ടുണ്ടെന്ന് ഉറപ്പുവരുത്തിയ തെളിവുകള് നല്കുക.</p> <p style="text-align: justify; "><strong>കാനഡ</strong></p> <p style="text-align: justify; ">കനേഡിയന് യൂണിവേഴ്സിറ്റികളില് പഠിക്കുവാന് സ്റ്റുഡന്റ് ഓതറൈസേഷന് അത്യാവശ്യമാണ്. ചിലപ്പോള് വിദ്യാര്ത്ഥി വിസയും ആവശ്യമായി വന്നേക്കാം. ഇതിനായി ഏറ്റവുമടുത്തുള്ള കനേഡിയന് നയതന്ത്രകാര്യാലയവുമായി ബന്ധപ്പെടുക. രണ്ട് മാസം വരെയാണ് അപേക്ഷകള് പരിഗണിക്കാനെടുക്കുന്ന കാലയളവ്. 125 കനേഡിയന് ഡോളറാണ് (90 അമേരിക്കന് ഡോളര്) ഇതിനു ചെലവ്. ക്യൂബക് എന്നു പറയുന്ന സ്ഥലത്തേക്കാണ് അപേക്ഷിക്കുന്നതെങ്കില് 160 കനേഡിയന് ഡോളര് അധികം നല്കണം.</p> </div>