<p style="text-align: center; "><img class="image-inline" src="https://static.vikaspedia.in/media_vikaspedia/as/images/education/kids-zone/9b89be9a79c1-9959a59be/bigstockFlowerGarden48781475_small.jpg" /></p> <p style="text-align: justify; ">এক মালিনী আছিল| তাই বৰ যতনকৈ এজোপা ফুল-গছ ৰুইছিল| তাই সেই গছজোপা দিনৌ ইমান পতি কৰে, তথাপি তাত ফুল নুফুলে| সেইদেখি এদিন তাই ফুলগছজোপাক সুধিলে,-</p> <p style="text-align: justify; ">“অ’ গছ, অ’গছ, ফুল নুফুল কিয়?” গছে উত্তৰ দিলে,-</p> <p style="text-align: justify; ">“মই যে ফুলিব লাগে, গৰুৱেনো মোৰ আগ কিয় খায় কিয়?” তেতিয়া মালিনীয়ে গৰুৰ ওচৰলৈ গৈ গৰুক সুধিলে-</p> <p style="text-align: justify; ">“অ’গৰু, অ’গৰু, ফুলগছৰ আগ খাৱ কিয়?”</p> <p style="text-align: justify; ">গৰু-“গৰখীয়াই যে গৰু নাৰাখে, মই বা নাখাম কিয়?”</p> <p style="text-align: justify; ">মালিনী-“অ’ গৰখীয়া, অ’ গৰখীয়া, গৰু নাৰাখ কিয়?”</p> <p style="text-align: justify; ">গৰখীয়া-“ৰান্ধনীয়ে যে ভাত নিদিয়ে, মই বা ৰাখিম কিয়?”</p> <p style="text-align: justify; ">মালিনী-“অ’ ৰান্ধনী, অ’ ৰান্ধনী ভাত নিদিয় কিয়?”</p> <p style="text-align: justify; ">ৰান্ধনী-“খৰীয়াই যে খৰি নিদিয়ে, মইনো দিম কিয়?”</p> <p style="text-align: justify; ">মালিনী”অ’ খৰীয়া, অ’ খৰীয়া, খৰি নিদিয় কিয়?”</p> <p style="text-align: justify; ">খৰীয়া-“কমাৰে যে কুঠাৰ নিদিয়ে মই নো দিম কিয়?”</p> <p style="text-align: justify; ">মালিনী-“অ’ কমাৰ, অ’ কমাৰ, কুঠাৰ নিদিয় কিয়?”</p> <p style="text-align: justify; ">কমাৰ-“এঙাৰীয়াই যে এঙাৰ নিদিয়ে মইনো দিম কিয়?”</p> <p style="text-align: justify; ">মালিনী-“অ’ এঙাৰীয়া, অ’ এঙাৰীয়া, এঙাৰ নিদিয় কিয়?”</p> <p style="text-align: justify; ">এঙাৰীয়া-“মই যে এঙাৰ দিব লাগে, মেঘেনো বৰষে কিয়?”</p> <p style="text-align: justify; ">মালিনী-“অ’মেঘ, অ’মেঘ, বৰষুণ দিয় কিয়?”</p> <p style="text-align: justify; ">মেঘ-“ভেকুলীয়ে যে টোৰ্টোৰায় মই বা নিদিম কিয়?”</p> <p style="text-align: justify; ">মালিনী-“অ’ ভেকুলী, অ’ভেকুলী, টোৰ্টোৰাৱ কিয়?”</p> <p style="text-align: justify; ">ভেকুলী-“বপা-ককাৰ ৰীতিটো মই এৰিম বা কিয়?”</p> <p style="text-align: justify; "><b><i>লেখক: লক্ষ্মীনাথ বেজবৰুৱা</i></b></p> <p style="text-align: justify; "><b><i>উৎস: বুঢ়ী আইৰ সাধু</i></b></p> <p style="text-align: justify; "><b><i><br /></i></b></p> <p style="text-align: justify; "><b><i><br /></i></b></p>